Mood Quotes

ചെമ്മരത്തീ….

അങ്ങനെ ഒരാൾക്കായി ജീവിച്ച കാലം ഒക്കെ കഴിയുകയാണ് . ഇന്നലെകൾ എന്നെ നോക്കി കൊഞ്ഞനം കുത്തുന്നുണ്ടാകാം , ജനിച്ചതിന് ജീവിച്ചതും, ജീവിച്ചതിൽ ആഗ്രഹിച്ചതും , ആഗ്രഹിച്ചതിന് കാത്തിരിക്കുന്നതും , ജീവിതം എങ്ങോട്ടെന്ന് പോലും അറിയാതെ വഴി തെറ്റി അലയാൻ തുടങ്ങിയിട്ട് കാലം കുറച്ച് ആകുന്നു . അക്ഞാതവാസവും പലകുറി കഴിഞ്ഞതാണ്. ഒരാളുടെ പോലും ജീവിതത്തിൽ ചിന്തയായി പോലും ഒരു വേദനയായി എൻറെ ഓർമ്മകൾ ഉണ്ടാകരുതെന്ന് ആഗ്രഹിച്ചിരുന്നു. പലപ്പോഴും അത് തെറ്റി എന്ന് മാത്രമല്ല കണക്കറ്റ പരിഹാസങ്ങളും, ശകാരങ്ങളും ഏറ്റുവാങ്ങേണ്ടിയും വന്നു .

എന്നും ഓർക്കും , ഒരുനാൾ കാലം എനിക്കായി ചിലതെല്ലാം ചെയ്യും എന്ന് . കാലത്തിന് മുമ്പേ നടക്കാനോ ശേഷം നടക്കാനോ ഒപ്പം നടക്കാനോ ഇക്കാലമത്രയും സാധിച്ചിട്ടില്ല എന്നത് ജീവിതത്തിൻറെ സംഗ്രഹം ആയി പറയാം എങ്കിലും മുകളിലേക്ക് പോയാൽ തിരികെ വരാത്ത പ്രായം എന്ന സത്യം മാത്രം ഒപ്പം നടന്നു . ഏതോ സൂപ്പർ ഹിറ്റ് സിനിമയിൽ പറയുന്നത് പോലെ നീ എവിടെ വിട്ടോ ഇപ്പോഴും അവിടെ തന്നെ നിൽക്കുന്നു , അങ്ങനെ പറയാൻ പോലും കഴിയുന്നില്ല , മറിച്ച് അവിടെ ഒരു ഭ്രാന്തനെ പോലെ അലഞ്ഞു നടക്കുന്നു .

ഇക്കാലമത്രയും മനസ്സിലെ വേദനകൾ ഒതുക്കിയും പറഞ്ഞും ഒക്കെ മുമ്പോട്ട് പോകുമ്പോൾ എന്നോ വരുന്ന സുന്ദരകാലം മനസ്സിൽ ഒരു കിനാവ് പോലെ നിറഞ്ഞു നിന്നിരുന്നു . പലപ്പോഴും രാത്രികളിൽ

“കരകാണാ കടലലമേലെ ……”

പച്ഛാത്തലത്തിൽ മുഴങ്ങിയിരുന്നതായി തോന്നിയിട്ടുണ്ട്.

എന്താണ് ആരാണ് കുട്ടീസ് ?

ഒരു പക്ഷെ ഞാൻ തന്നെ ആണ് , അല്ലെങ്കിൽ എനിക്കപ്പുറം എന്നെ നിയന്തിക്കുന്ന ഒന്ന് , എന്നെ ഞാൻ പോലും ഇത്ര അറിഞ്ഞിട്ടുണ്ടോ എന്നത് വ്യെക്തമല്ല . പലരും പറഞ്ഞു കേട്ടിട്ടുണ്ട്. എന്റെ സ്വപ്നങ്ങളിൽ ഞാൻ തന്നെ മെനഞ്ഞെടുത്ത ഒരു കഥാപാത്രം മാത്രം ആണ് എന്റെ കുട്ടീസ് എന്ന് .

ആരെയും ബോധ്യപ്പെടുത്താൻ കൂടെ നിർത്തി ഇതാണ് കുട്ടീസ് എന്ന് പറയാൻ , ഒരാളെ ചൂടിക്കാട്ടി ധാ അതാണ് എന്ന് പറയാൻ ആരും ഇല്ല .

ഒരു പക്ഷെ മറ്റെല്ലാവരും പറയുന്നത് പോലെ, നിലതെറ്റിയ മനസ്സിൽ എന്നോ ഞാൻ അറിയാതെ കടന്ന് കൂടിയ ഒരു ചിന്ത ആകാം കുട്ടീസ് ….

മാറ്റം പലപ്പോഴും പലതിനും ഒരു ആശ്വാസമോ അല്ലെങ്കിൽ ഒരു അനുഗ്രഹമോ ആണ് . മാറാതെ തുടരുന്ന മനസ്സിനെ എന്നും പഴിക്കാറുണ്ട് , ജീവിതം അടുത്ത് കാണാം ആ നാളുകൾ .. കൈലാസനാഥന്റെ അനുഗ്രഹത്തിൽ , വൈകുണ്ഠത്തിൽ ആകില്ലായിരിക്കും അത്ര പുണ്യങ്ങൾ ഒന്നും ഓർമ്മയിലെ ഇല്ല , ലാലേട്ടൻ പറഞ്ഞത് പോലെ അങ്ങ് നരഗത്തിൽ വെച്ചെങ്കിലും കാണാൻ ആകും എന്ന പ്രതീക്ഷയിൽ ….

വള്ളപ്പുര .

മറ്റാരെയും ഇത്തരത്തിൽ ഞാൻ ഇഷ്ടപ്പെട്ടിരുന്നില്ല

Related posts

തോന്നലുകൾ…

rahulvallappura

വള്ളപ്പുര

rahulvallappura

When my absence doesn’t alter your life, then my presence has no meaning in it

rahulvallappura

1 comment

കുട്ടിസ് April 3, 2019 at 11:43 pm

എന്നെക്കുറിച്ച്
ഞാന്‍ തന്നെ എഴുതണം
എന്നൊന്നുമില്ല.
പലര്‍ക്കും അവരവരുടെ ഭാവനയുടെ
ഇത്തിരി ഉപ്പും കൂടി ചേര്‍ത്ത്
കുറ്റം ചെയ്യാന്‍ പോലുമറിയാത്ത
ഒരു കൊടും കുറ്റവാളി എന്നോ
സ്വപ്ന നദിയില്‍ കുളിക്കാനിറങ്ങിയ
ഏകാകിയായ വിഡ്ഢി എന്നോ പേരിട്ട്
ഒരരസിക കവിതയോ
ഒന്നര പേജുപന്യാസമോ എഴുതാം.
നിന്നെ പറ്റി പക്ഷെ
എനിക്കല്ലാതെ
മറ്റാര്‍ക്കും എഴുതാനാവില്ല,
ഞാനല്ലാതെ
മറ്റാരും കണ്ടിട്ടില്ലല്ലോ നിന്നെ.
എനിക്കല്ലാതെ
മറ്റാര്‍ക്കും അറിയില്ലലോ
നിന്നിലേയ്ക്കുള്ള വഴി.

Reply

Leave a Comment

This site uses Akismet to reduce spam. Learn how your comment data is processed.