മനസ്സിലെ ആഗ്രഹങ്ങൾക്കൊത്ത് കഴിച്ചുകൂട്ടിയ ദിനങ്ങൾ , നീണ്ടു വളർന്ന താടിക്ക് പിന്നിൽ എനിക്കവളിലേക്കുള്ള ദൂരം ഉണ്ട് ! പക്ഷെ വിധിയോ അല്ലെങ്കിൽ മറ്റെന്തെങ്കിലുമോ ആകാം ! ചിന്തകൾ പാതിവഴിയിൽ ഉപേക്ഷിക്കുകയാണ് ! ഓരോ ദിനവും സ്വയം മുഖം നോക്കുമ്പോൾ ആവേശത്തോടെ ഓർക്കാൻ ഞാൻ സൂക്ഷിച്ച ഒന്നും ഇനി കരുതി വെക്കുന്നില്ല ! താണ്ടിയ ദൂരങ്ങൾ അത്രയും പിന്നിലേക്ക് നടക്കേണ്ടി വരുന്നു , അതും തനിച്ചാകുമ്പോൾ വേദന ഉണ്ടാകുന്നുണ്ട് ! പക്ഷെ മുമ്പോട്ട് വെച്ച കാൽ മുമ്പോട്ട് തന്നെ എന്ന് കരുതാൻ നിർവാഹം ഇല്ല ! ഒരു വട്ടം കൂടി ആഗ്രഹങ്ങൾക്ക് അരുകിൽ എത്തി ഇത്തിരി ഭയത്തോടെ അങ്കലാപ്പോടെ അതിനെ ദൂരെ നിന്ന് കണ്ട് സ്വന്തമാക്കാതെ പിൻവാങ്ങുന്നു ! ആഗ്രഹങ്ങളെ സ്വന്തമാക്കിയാൽ അവ നാളെ ആഗ്രഹങ്ങളെ അല്ലാതെ ആകുമോ എന്ന പതിവ് പല്ലവിയിൽ ഇവയെല്ലാം ലയിക്കും ! ഓർമ്മകൾ അത് വരട്ടെ . നേരിടാൻ ചങ്കൂറ്റം ഉണ്ട് ! ഇരുട്ട് മൂടിയ കിഴക്കേമുറിയുടെ കോണുകൾ ഇപ്പോളും എന്നെ കാത്തിരിക്കുന്നു ! വേദന വരുമ്പോൾ ഓടിയെത്തും എന്ന പ്രതീക്ഷയിൽ !
ഇനി ഒരു തിരിഞ്ഞുനോട്ടമില്ല ! കാലം സത്യമാണ് ! വാങ്ങിവെച്ച കരിവളകൾ കഥപറയുക മങ്ങിത്തുടങ്ങിയ സ്വപ്നങ്ങളുടേതാകും !!
[amazon_link asins=’B07BH1H8YK,B079RCF3N3,B078RPKSGL,B07CJYKT23,B078RQCN9Y,B0773PNGPJ,B07CYT34HW’ template=’ProductGrid’ store=’vallappura-21′ marketplace=’IN’ link_id=’e192e4f0-62a0-11e8-8865-45067d159ab8′]
